ده رابط الوصفه
[ندعوك للتسجيل في المنتدى أو التعريف بنفسك لمعاينة هذا الرابط]سلام عليكم يا فتوكات
اوعوا تكسفوني المره دي
شجعوني كده عشان كل ما اترجم وصفه واجربها وتعجبني
اققولكم عليه
بصراحه الكتب الاجنبيه في موضوع الطبخ ممتازة بجد
وبتخليكي تجددي
وكمان تضيفي من عندك
انا النهارده جيبالكم طريقه لذيذه جدا وعجبت زوجي اوي
من الكتاب ده
بصوا صدور الفراخ لو انتي في السعوديه بجيب فراخ اسمها اليوم
بعمل حوالي نص كيلوكده علي ادنا
معلشبرغي كتير
بتبل الصدور بملح وفلفل اسود مجروش وبودره بصل لو عندك دي انا اللي ضيفتها
وعصير ليمون مش كتير وسماق
وممكن بملح وفلفل بس
خلاص كده
هتجيبي طاسه وتحمري فيها الفراخ انا الاول بسخن الطاسه قوي واحط شويه سمنه وزيت بس مش كتير اهم شئ تكون الطاسه سخنه
علشان الفراخ اول ما تتحط تتحمر وتبقي لونها جميل
بعد ما تقلبيها علي كل الجناب تسبيها تستوي شويه لحد ما تتاكدي انها استوت
بمعني تاني التحمير ده بيكون الاول علي نار قويه ثم تهدي النار
بعد كده في طاسه تانيه
تكوني بشره توم او دقاه
ومقطعه طماطم مكعبات بس من غير قشر
مكعبات متوسطه مش صغيره
بتسخني الزيت والسمنه بسيط اوي وتقلبي التوم انا بدق 4 فصوص توم كبار
او ببشرهم بمبشرتي النونو
اول ما التوم تتطلع ريحته يدوب تقلبي اقل من دقيقه
اوعي يحمر هتضيفي زيتون اسود بحاله منزوع النواه
وتقلبي لدقيقه تاني
لحد ما يمتزج الطعم
ثم تضيفي مكعبات الطماطم وتقلبي 3 دقايق وبسسسسسسسسس
هتضيفي علي الخليط ده شويه ريحان مجفف او ريحان طازة
وقلبي
وخلاص
لما تقدمي الصدور هتحطي من فوفها الصوص ده
تحفه فعلا
هيعجبكم قوي جربوه
معلش طولت عليكم حاولت اشرحلكم بالتفصيل عشان مفيش صور
واتمني اكون خفيفه عليكم
والي اللقاء مع وصفه اخري جديده
متنسووش التقييم علشان اتشجع
ودي ان شاء الله الصور
اتطحنت عقبال ما عرفت ارفعها
قيموني وبلوا ريقي
عشان ان شاء الله مش هتبقي اخر مرة
[ندعوك للتسجيل في المنتدى أو التعريف بنفسك لمعاينة هذه الصورة]ايه رايكم
موضوع: بناءا علي طلب الجماهير وصفتي للفراخ بالزيتون بالصووووووور 
الأربعاء يوليو 13, 2011 11:24 pm
