المقادير
3 نستو
3 ماجي ( ممكن تخليهم 2 علشان ميطلعشي حادق منك بس المقادير الأصلية 3 )
3 بيضات
3 ملاعق كبيرة دقيق
3 فصوص ثوم
3 حبهان
نصف كوب زيت
الطريقة
بصي يا ستي تخلطي الحاجات دي كلها مع بعض في الخلاط
وبعدين تحطيها في حلة صغيرة وتجيبي حلة أكبر تحطي فيها ميه وتحطي الحلة اللي فيها لانشون في الحلة الكبيرة
وتحطيهم على النار ثلاث أرباع الساعة
وتشليها وشوفي الطعم الجميل
وبألف هنا
ملاحظة
لو عايزة تخليها مدورة زي الانشون اللي من بره
حطيها في كوباية ستانليس بدل الحلة الصغيرة
بس خلي جزء منها فاضي لأن اللانشون بيعلى في الكوباية
وكمان علشان تفك من الكوباية من غير ما تغلبك أول ما تشيليها من المية السخنة حطي الكوباية تحت مية ساقعة هتلاقي اللانشون نزل بسرعة من الكوباية وملزقشي فيها
آه
قبل ما أنسى ممكن تحطي كمان معاهم حتة فرخة مسلوقة هتدي طعم أحلى كمان
ولما تعملوها متنسوش تبعتولي حته أدوق