حنه الفرد بجد جامده اخر حاجه وفى ناس بتقول بتوقع الشعر وناس تقول مش عارفه بتعمل ايه والله كلو كلام عبيط انا جربتها وكمان عملتها مرتين ورا بعض فى اقل من شهر وحصلش اى حاجه لشعرى نهائى بالعكس لما عملتوا تانى مره بقى احسن كتييير من اول مره يعنى نصيحه اى واحده ناويه تعملها تجربها اول مره وتستنى شهر او 3 اسبيع وتعملها تانى وشوفى الفرق بقى اول مره هتحتاجى انك تلفى شعرك بعد الغسيل لكن بعد تانى مره سبيه وتوكلى على ربنا هتبقى قمر على طول
ملحوظه مشكلتها الوحيده انها بتخلى شعرك لونه اسود ليل العطار هيقولك فى احمر وبنى ويسرح بيكى بس كله نتيجه واحده اسود فالى مش عايزه اللون تبعد عنها بس انا رائى تعمليه لان لونها الاسود تحفه احلى من اى صبغه وكمان الراحه اللى بتفضلى عليها طول الشهور دى مش غير ماى كوافير يلمس شعرك تستاهل انك تضحى بالون
هقلكوا انا بعمل ايه بالظبط
1-اشتريها من اى عطار بس الاحسن انه يكون كويس هى تقربيا ب40 جنيه الكيس ويكفى شعر متوسط الطول وبتفضل على الشعر فتره طويله
2-تخلطيها بمايه وحطيها على شعرك لاسف من 18 ساعه ليوم (بس تستاهل صدقونى)
3-اغسلى شعرك وبعدها لفيه مع زيت حلو كده الزيت هيخلى شعرك بيلمع اوى ومش دهنى وفى نفس الوقت هينعم شعرك لانه طبعا مرهق من الحنه والغسيل
4-داومى على الزيت كل فتره واغسلى شعرك مره واحده بالشامبو فى الاسبوع (فى حنه او مافيش دا الصحى للشعر )واغسليه كل يوم لو عايزه بس حطى كونديشنر بدل الشامبو او مياه بس.
5-بس استمرى لحد ماتلقى الجدور ايتدت تبان تانى على اصلها والحقى اعملى الخلطه من جديد علشان جوزك ميفضحكيش وطبعا كله واحد على حسب طبيعه شعره انا شعرى حلو بس خفيف اوى وهايش (كان زمان)فا الجدور لما طلعت مش مهم لان الشعر لسه محتفظ بتقله ولمعانه فامافيش مشكله عندى بس اول لما انزل مصر جرى على ماما تعملهالى .
منقول للاماناة
موضوع: لو عايزة شعر زي الصينين تعالي بسرعة 
الأحد يوليو 31, 2011 11:31 pm
