منتدى انسات مسلمات
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

منتدى انسات مسلمات

منتدى للبنات فقط
 
الرئيسيةمنتدى الترحيب واليوميةس .و .جبحـثالأعضاءالمجموعاتالتسجيلدخول

شاطر | 
 

 نمنمة ونمامة

اذهب الى الأسفل 
كاتب الموضوعرسالة
فتاة التوحيد
Admin
avatar

عدد المساهمات : 814
تاريخ التسجيل : 30/06/2011
الموقع : http://fatakat.ahlamontada.com/forum

مُساهمةموضوع: نمنمة ونمامة   الإثنين أكتوبر 31, 2011 4:29 pm

نمنمة ونمامه
<h6 data-ft="{" type="" :1}="" class="uiStreamMessage">

نمنمة:الحمد لله يا بنتى إننا التزمنا فى اليومين الى أحنا عايشنهم دول

نمامة:آه والله صدقتى شوفتى الفتن الى أحنا غارقنين فيها لشوشتنا

نمنمة:أسكتى تعالى أقولك على سر هاتى ودانك
مش صحبتنا أياها الى ساكنة عندنا فى العمارة شوفتها أمبارح نازلة من عربية


نمامة:عربية يا دى النصيبة أستغفر الله هى حصلت هى مش مكسوفة من عملتها وكمان جايباه عند بيتها

نمنمة: بقولك يا أختى خلينا فى حالنا ملاناش دعوة لحسن يقولوا علينا بنم

نمامة: أنت ما عرفتيش شوفتى صحبتى سالى

نمنمة: سالى مين؟؟

نمامة: سالى الى البنت الى شكلها مش أمور دى التخينة القصيرة

نمنمة:آه الى بنص لسان دى الى ما بتعرفش تتكلم كلمتين على بعض

نمامة :أيوا برافو عليكى أديكى عرفتيها

نمنمة : مالها يا ستى سالى

نمامة:مش جالها عريس زى القمر طول بعرض وتعليم أيه حاجة ولا فى الخيال

نمنمة: أيه بتقولى أيه عريس لمين لدى القصيرة الاوزعة دى
ليه هى الناس ماعندهاش نظر اليومين دول ولا أيه

نمامة: شوفتى والله وانا وانت نعد كده زى خبتهم مانلقيش حتى كمثرى يعبرنا
يا بنتى الهرم خلاص أتقلب والملتزمين الى زينا ما بقاش ليهم مكان

نمنمة: تصدقى فعلا أحنا باقينا فى غربة
الملتزمين الى زينا اليومين دول عايشين أغراب بين الناس

نمامة: طب أسكتى أسكتى لحسن يقولوا عالينا بنحسدها

نمنمة:تصدقى أنت بنت حلال

نمامة: ليه بقا يا ستى

نمنمة: كان فى حاجة كل ما أجى أحكيهالك أنسى
أدينى أفتكرتها دلوقتى بمناسبة الغربة

نمامة: قولى قولى مش قادرة أستنى

نمنمة: مش سوسو بنت خالتى هتسافر دبى
جوزها جالو عقد هناك وبتقول بمرتب عالى

نمامة: لا بقا دى كوسة بقا سوسو تسافر دبى
وأحنا هنا قاعدين حطين وشنا فى بعض

نمنمة:طب انت بقا عارفة انى انا كان المفروض أكون مكانها

نمامة: أزاى؟؟

نمنمة:أقولك أنا بقا يا ستى الاستاذ الى هو جوزها
كان متقدملى قبلها وهيموت عليه وانا بعبطى الى رفضته شوفتى النحس

نمامة: بصراحة فعلا نحس

نمنمة: يلا أدينى عملت فيها معروف أهو على الله يطمر فيها
وتفتكرنى وهى جاية بحاجة وماتنكرش الجميل

نمامة: أصيلة والله يا نمنمة
طول عمرى أقول ما فيش غير نمنمة حبيبتى هى الصديقة المخلصة بجد

نمنمة: أدعى بس ربنا يثبتنا ويقدرنا على فعل الخير

أيه رأيكم أنتم فى الأختين دول؟

بيقولوا عليهم ملتزمين وما سبوش حد فى حالوا
غيبة ونم وحسد وظن سىء ومصدقين نفسهم أنهم ملتزمين

طب انا هسبكم أنتم تردوا بدالى عليهم وتدوهم كلمتين يفوقوهم شوية
وتنصحوهم نصيحة يمكن يتوبوا بيها لربنا

,,,,,,,,,





[ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]



[/size]
</h6>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatakat.ahlamontada.com
 
نمنمة ونمامة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى انسات مسلمات :: قصص وروايات-
انتقل الى: